Akademik C. Abdullayev adına Elmi-Tədqiqat Kardiologiya İnstitutunun USM həkimi Quliyeva Samirə Allahverdi qızı uzun illərdir ki, Azərbaycan səhiyyəsinə xidmət göstərən peşəkar mütəxəssislərdəndir. O, ömrünü və fəaliyyətini insan sağlamlığına, xəstələrin həyat keyfiyyətinin yüksəldilməsinə həsr etmişdir.

Samirə xanımın həkim kimi əsas xüsusiyyətləri dəqiqlik, məsuliyyət və insana dərin hörmətdir. Onun işində ən vacib məqam pasiyentin etibarını doğrultmaq, dəqiq diaqnoz və düzgün yanaşma ilə sağlamlığa ümid verməkdir.

Təhsili və elmi fəaliyyətindən aldığı bilikləri daim təcrübədə tətbiq edən Samirə Quliyeva həmkarları arasında böyük nüfuza malikdir. Onun peşəkarlığı, təmkinli və qayğıkeş davranışı xəstələrin rəğbətini qazanıb. Xəstələrə münasibətində səmimilik və insanpərvərlik həkimlik borcunun ayrılmaz hissəsinə çevrilib.

Peşəkar fəaliyyəti ilə yanaşı, Samirə xanım kollektiv içində də hər zaman hörmətlə anılır. O, sadəliyi, yüksək mədəniyyəti və işinə olan sevgisi ilə tanınır. Öz zəhməti və dürüstlüyü sayəsində həm institutun həkim kollektivinin, həm də minlərlə pasiyentin etimadını doğruldub.

Quliyeva Samirə Allahverdi qızı həm tibbi bilikləri, həm də insani keyfiyyətləri ilə gələcək nəsil tibb işçilərinə örnəkdir. Onun həyatı və fəaliyyəti bir daha göstərir ki, həkimlik sadəcə peşə deyil, həm də böyük məsuliyyət və vicdan tələb edən müqəddəs bir yoludur.

Alxas Məmmədov.