Xatirə yazısı. Süleyman Məmmədli haqqında.

Allah rəhmət eləsin, Azərbaycan döyüş sənətinin ən parlaq nümayəndələrindən biri də hörmətli Süleyman Məmmədli idi. O, Akademiyanın müəllimi, bir neçə döyüş növü üzrə yüksək dərəcəli dan sahibi, beynəlxalq səviyyədə tanınmış bir mütəxəssis idi.

Süleyman müəllim həm gözəl pedaqoq, həm psixoloq, həm də ustad bir məşqçi idi. Onun yetişdirdiyi idmançılar, tələbələr və həmkarları həmişə ondan razı qalıb. Mən də fəxrlə deyə bilərəm ki, həyatımda onunla görüşüm, tanışlığım, səmimiyyətim və dostluğum olub. Birlikdə çəkildiyimiz “C43” filmində də gözəl xatirələrimiz qalıb.

Süleyman Məmmədli döyüş sənətinin “kralı” kimi tanınırdı. O, bir neçə beynəlxalq dərəcəli idmançıların və məşqçilərin müəllimi olmuş, Azərbaycan idmanının inkişafına əvəzsiz xidmətlər göstərmişdir.

Onun həyat və fəaliyyətini sözlərlə tam ifadə etmək çətindir. Amma bir həqiqət var ki, Süleyman müəllim yalnız idmançı deyil, həm də böyük bir şəxsiyyət idi.

Mən fəxr edirəm ki, onunla tanış olmuşam, söhbətlərimiz, zarafatlarımız, dəyərli xatirələrimiz qalıb.

Allah rəhmət eləsin, məkanı cənnət olsun, əziz ustadımız Süleyman müəllim !