Atalı,analı idi evimiz.




Allah keçənlərə rəhmət qalanlara can sağlığı versin.
Atalı,analı idi evimiz.
Mən uşaq olanda qış gözəl idi,
Atalı , analı idi evimiz.
Ocağımız  elə isti idi ki,
Qışın nəfəsini
Heç duymurduq  biz,
Atalı , analı idi evimiz.
Babamın qırası tayada qaldı,
Nənəmin əlləri kündələrdədir.
İndi ulduz-ulduz yağan bu qarın,
Özüm də bilmirəm mənası nədir!
Qaraldı arzular, 
Silindi o iz,
Atalı ,analı idi evimiz.
Atamın "papiros" iyli əlləri,
Hər gün qulağımı qızışdırardı.
Onda qış da başqa bir aləm idi,
Onda komamızın dirəyi vardı.
Üşüməzdi nə əl,
Donmazdı nə diz,
Atalı , analı idi evimiz.
11-01-2023
Ü.Əfqanoğlu

Oxunub: 185
Xəbəri paylaş
Youtube Kanalımız Bizi Youtube Kanalımızdan izləyin: Azgundem.az