Parataekvondoçularımız Vətənə qayıdıb.

Vyetnamın Dananq şəhərində keçirilən parataekvondo üzrə açıq Asiya çempionatında uğur qazanan idmançılarımız qarşılanıb. 

Qeyd edək ki, Azərbaycan millisi bu yarışı 2 medalla başa vurub. Baş məşqçi Fərid Tağızadənin komandasında Sabir Zeynalov (58 kq, K-44) fəxri kürsünün ikinci pilləsinə yüksəlib. Əbülfəz Abuzərli (80 kq, K-44) isə bürünc medal qazanıb.