təhsilə həsr edən Şirvan şairi.

Söhbət açmaq istədiyim insan saytımızla əməkdaşlıq edən Həsənxan Manaflının babası və adaşı Şamaxılı şair-qəzəlxan Həsənxan Manaflıdır.

Həsənxan Manaflı 1945-ci ilin 13 Fevralında şeir-sənət ocağı Şamaxının Birinci Çaylı kəndində anadan olmuşdur.

Hələ məktəb vaxtlarında şeirə,qəzələ böyük marağı olan Həsənxan müəllim, artıq 10-cu sinifdə oxuyarkən, ilk şeirini "Yeni Şirvan "qəzetində çap edilmişdir.

İçindəki bu həvəs onu məktəbdən və poeziyadan uzaq sala bilmədi və təhsil alaraq Azərbaycan dili və Ədəbiyyatı,Rus dili və Ədəbiyyatı fənlərindən dərs deməyə başlamışdır.

3 ali təhsili olan Həsənxan müəllim  50 ilə yaxın orta məktəbdə müəllim işləmişdir.Baş müəllim fəxri adına layiq görülüb 

2018-ci ildə Respublika şeir müsabiqəsində"Azərbaycan Bayrağı"şeiri ilə  qalib olmuşdur 

Hal-hazırda Azərbaycan yazıçılar birliyinin üzvüdür və 2 kitabı işıq üzü görüb.

2005-ci ildə çapdan çıxan "Hələ bu dünyaya sözüm var" və 2016-cı ildə çap olunan "Qəzəllər və Lirik Şeirlər"kitabları Həsənxan Manaflının yaradıcılığının məhsuludur.

Şairin öz dilindən:"Nəzərinizə çatdırıram ki,bu ilin fevralında mənim 78 yaşım tamam oldu.Həmin ərəfədə Türk qardaş və bacılarımız matəm içində olduqları üçün mən bu müjdəni sizinlə bölüşmədim.İndi isə deyirəm

İki bahar qalır səksən yaşıma

Ay Allah,bir azda ömür ver mənə

Artıq ağ çiçəklər qonur qaşıma

Ay Allah,birazda ömür ver mənə

Aylar,illər bir-birini izləyir

Gələn hər gün gedən günü gizləyir

Könlüm hələ nəvə toyu gözləyir

Ay Allah birazda ömür ver mənə

Yeddi pillə verib insana Xaliq

Körpəlik,uşaqlıq,gənclik,cavanlıq

Kamillik,ahıllıq,bir də qocalıq

Mənə bu pillələr verib ucalıq

Ay Allah,birazda ömür ver mənə

Səfərim var kəklik uçan dağlara

Bülbüllər oxuyan bağça-bağlara

Sinəsi yarpızlı göy yaylaqlara

Ay Allah,birazda ömür ver mənə

Həsənxan,bir elə nisgilin yoxdur

Ürəyim ilhamlı,gözlərim toxudur

Rəhmansan,Rəhimsən,Kərəmin çoxdur

Ay Allah,birazda ömür ver mənə"

Hazırladı:Alxas Məmmədov