Dağlıq Şirvan Regional Təhsil İdarəsinin müdiri Rövşən Əliyev  Qobustan rayonunda təhsil işçiləri ilə görüşüb.

Qobustan rayon 3 saylı tam orta məktəbdə keçirilən görüşdə sektorun əməkdaşları, məktəb direktorları  və məktəbəqədər təhsil müəssisələrinin rəhbərləri iştirak edib. Regional İdarənin müdiri tərəfindən rayonda təhsilin inkişaf etdirilməsi üçün direktorlara  bir çox tapşırıq və tövsiyyələr verilərək işlərində ciddi dönüş yaratmaları  və məsuliyyətli olmaları, eləcədə nöqsanların qısa müddətdə aradan qaldırılması  onların diqqətinə çatdırılmışdır. Həmçinin  iyunun 7-də Təhsil Nazirliyi tərəfindən ölkə üzrə bütün dövlət ümumi təhsil müəssisələrinin 4-cü siniflərində keçiriləcək  monitorinq haqqında direktorlara məlumat  və izah verilmişdir. Sonda sektor əməkdaşlarının, direktorların və məktəbəqədər təhsil müəssisələrinin rəhbərlərinin sualları və təklifləri dinlənilərək cavablandırılmışdır.