Peşəsinin vurğunu olan müəllim.

Günəşov  Elman Ağadadaş oğlu 3 may 1960 –ci ildə Qobustan  rayonunun  Çalov  kəndində anadan  olmuşdur. Orta məktəbi  bitirdikdən sonra  sənədlərini  N.Tusi adına  Azərbaycan  Dövlət  Pedoqoji İnstitunun (indiki Azərbaycan  Dövlət  Pedoqoji Universiteti )çağırışaqədərki hərbi hazırlıq və fiziki tərbiyə fakultəsinə verir.İmtahanlardan əla qiymət alaraq, qəbul  olur.Ali məktəbi bitirdikdən sonra rayonun  Təklə Mirzəbaba kənd orta  məktəbində  ixtisası üzrə  müəllim  işləyir.Təyinat müddəti bitdikdən sonra bir il Cəyirli kənd natamam orta  məktəbdə fiziki tərbiyə dərslərini tədris edir. 1989- cu ildən hal-hazıra kimi A.Quliyev adına Cəyirli kənd tam orta  məktəbində hərbi hazırlıq  və fiziki tərbiyə  müəllimi kimi çalışır.O,1988-ci ildə Kiyev Hərbi Akademiyasında təlimdə  olmuşdur. Azərbaycan  Təhsil Şurasının və onlarca təhsil kurslarının  təlimlərində iştirak etmiş və  bir çox  sertfikatlar  almışdır.  Elman müəllimin   dərs prosesi həmişə  yüksək qiymətləndirilimişdir.Görkəmli jurnalist, “Təhsil və Zaman “ qəzetinin  redaktoru Böyükağa Mikayıllı  vaxtilə Elman  müəllimin çağrışaqədərki hərbi hazırlıq  dərsində iştirak etmiş öz  qeydlərini ”Müasir dərs: Yeni  yanaşmalar” kitabında  qeyd  etmişdir.Həmin kitabdan bir abzasa  nəzər salaq : 

Çağrışaqədərki hərbi  hazırlıq  o fənlər sırasına  daxildir ki , burada müəllimdən  əhatəli bilik tələb  olunur. Elman müəllimin  dərslərində işritakım zamanı gördüm ki, o fiziki hesablamaları  dəqiqliklə aparır, ərazinin  coğrafi mövqeyini döyüş zamanı  nə qədər  əhəmiyyətli olduğunu izah edir, eyni  zamanda  döyüşdə coğrafi  biliklərin əhəmiyyətini şagirdlərə aşılayırdı.

Bu günlərdə Elman  müəllimin  65  yaşı  tamam oldu . Həmin  gün  müəllim arzusunda olduğu Şuşa  şəhərində səfərdə oldu. Bu gün  münasibətilə Elman müəllimi  təbrik edirik .

Bu yazını  hazırlayarkən Elman müəllimi haqqında  xoş  sözlərin şahidi oldum:

Qobustan Rayon Təhsil Sektorunun  müdiri  Tahir Səbzaliyev : Müəllim ömrü  boyu  nəyisə  öyrətməyi , düzgün yol  göstərməyə, cəmiyyətə  faydalı  şəxsiyyətlər  yetirməyə  çalışan  insandır.İnsanın  tərbiyəsində  ailədən  sonra  ən önəmli  şəxsdir. Elman  Günəşov  da bu  şəxslərdən  biridir.Elman müəllim  uzun  müddətdir ki, A.Quliyev  adına Cəyirli  kənd tam orta  məktəbində  çağrışaqədərki  hərbi  hazırlıq  və  fiziki tərbiyə  fənlərini  tədris  edir.  Onun  yaxşı bir  pedaqoq olduğunu  əvvələr eşitmişdim .Yeni  işimlə  əlaqədar  müəllimlə və onun  dərs  prosesi ilə  yaxından  tanış  oldum . Həqiqətən, zahiri  görkəmindən  adamda  bir hərbçi  təsəvvürü yaradırdı. Elman müəllim  keçirdiyimiz  bütün tədbirlərdə şagirdləri ilə  birlikdə  fəal iştirak edir.Müəllimi yubileyi münasibətilə təbrik edir, ona uzun ömür, can sağlığı arzulayıram.

Qobustan şəhər Elyar Vəliyev adına 2 saylı tam orta məktəbin direktor müavini  İlqar  Alcanov: –Elman  müəllimin  iş  prinsipinə  yaxından  bələdəm . Rayon  Təhsil Şöbəsində işlədiyim  dövrdə  məktəblərdə  çağrışaqədərki  hərbi  hazırlıq  və fiziki  tərbiyə  dərslərinə nəzarət mənə  tapşırılımışdı. Elman  müəllimin  dərslərində tez-tez iştirak  edirdim. Onun  çağrışaqədərki  hərbi  hazırlıq  dərsində  özümü  bir  kiçik “ hərbi hissədə” hiss edirdim . Rayonda  keçirilən hərbi – idman  oyunlarında müəllimin şagirdləri hər zaman  fəal  iştirak edirdi.Hal-hazırda  Elman müəllimin  keçmiş şagirdlərindən bir  çoxu  hərbi hissələrdə gizir və  zabit kimi xidmət edirlər.

A.Quliyev adına  Cəyirli kənd tam orta məktəbin Uşaq Birliyi Təşkilatının Rəhbəri  Yəmən  Hidayətova :-  Müəllim sadəcə  bir  peşə deyil , insanın  qəlbinə  işıq saçan bir varlıqdır. Mənim  müəllimim  Elman  Günəşov  isə  bu sözün əsl  mənasında  nümunəvi  bir  insandır. Bizə  verdiyi  dəyərlər- həm  müəllim , həm  hərbi rəhbər ,həm  də bir  böyük kimi  yaddaşımızda yer almışdır. O bizə yalnız  dərsi  deyil , həyatı  öyrətmişdir . Hər bir  sözü , hər bir  davranışı  bizlər üçün bir  dərs olmuşdur. Dəyərli müəllimimə  olan  hörmət  və minnətdarlığım heç zaman  tükənməyəcək.Sevinirəm ki, hal –hazırda müəllimimlə çiyin-çiyinə  bir  yerdə çalışıram .

   R.Babaşov adına Cəmcəmli  kənd tam orta  məktəbin  müəllimi  Günay Bayramlı: –Elman  müəllim qayğıkeş ,səmimi bir insandır. Mən  bunları onunla  yol  yoldaşı olarkən  hiss etdim .Azərbaycan Təhsil Şurasının  təlimlərində birlikdə iştirak  edirdik. Onun  təlimdəki  çıxışları hamı  tərəfindən rəğbətlə qarşılanırdı.Hörmətli  professorumuz,  görkəmli  pedaqoq Əjdər Ağayev həmişə  Elman  müəlliminin adını  iftixarla  çəkirdi. Elman müəllimə  uğurlar arzulayıram. 

                                            Məhəmməd Bayramov Jurnalistlər Birliyinin  üzvü .