Prezident İlham Əliyev “İnformasiya, informasiyalaşdırma və informasiyanın mühafizəsi haqqında” qanuna dəyişiklikləri təsdiqlədi.

Yeni dəyişikliklərə əsasən, internet və sosial şəbəkələrdə ictimai mənəviyyata zidd, cəmiyyətə açıq hörmətsizlik yaradan məzmunların yayılması rəsmi şəkildə qadağan olunur.

Qadağan edilən paylaşımlar bunlardır:

 • İctimai mənəviyyatı təhqir edən məzmunlar

 • Cəmiyyətə açıq hörmətsizlik ifadə edən davranış və ifadələr

 • Əxlaqa zidd sözlər, mimikalar və jestlər

 • Bədənin hissələrinin milli və mənəvi dəyərlərə zidd formada nümayişi

Cəza tədbirləri isə belədir:

 • İlk pozuntu: 500–1000 manat cərimə

 • Təkrar pozuntu (1 il ərzində): 1000–2000 manat cərimə

 • İnzibati həbs:

 • İlk pozuntuda – 30 günədək

 • Təkrar hallarda – 1–2 ayadək

Məqsəd: rəqəmsal mühitdə etik davranışın qorunması, milli-mənəvi dəyərlərə hörmətin gücləndirilməsi və cəmiyyətin mənəvi təhlükəsizliyinin təmin olunmasıdır.

Qanun artıq qüvvədədir və bütün internet istifadəçilərinə şamil olunur.