Şamaxının ziyalılarından biri də Vahid müəllim idi. Allah rəhmət eləsin.

Vahid müəllim həm rayonumuzun, həm də respublikanın tanınmış simalarından biri olub. Çox gözəl insan idi, uzun illər qonşuluq etmişik. O qədər səmimi, o qədər nəcib bir insan idi ki, yalnız xoş sözlərlə xatırlamaq mümkündür.

Vahid müəllimin ailəsi, Xanəliyevlər böyük və hörmətli bir ailədir. Onlarla uzun illər qonşuluğumuz olub, hər zaman yaxşı münasibətləri ilə seçiliblər. Allah işlərini avand eləsin, dünyasını dəyişənlərinə rəhmət etsin.

Vahid müəllim həm səmimi ziyalı, həm pedaqoq, həm də alim kimi Şamaxının ictimai həyatında öz izini qoymuş bir insan idi. Axsaqqallığı ilə hər zaman nümunə göstərib. Yaxşı qonşu idi və yaxşı qonşu olaraq da xatırlanacaq.

Allah rəhmət eləsin, Vahid müəllimə...