05 May 2021-ci il tarixində Şamaxı Rayon Gənclər və İdman idarəsinin təşkilatçılığı ilə Ümummilli Lider Heydər Əliyevin anadan olmasının   98-ci ildönümünə  həsr  olunmuş  “ULU  ÖNDƏR HEYDƏR ƏLİYEVİN İRSİ  MİLLİ SƏRVƏTİMİZDİR” mövzusunda onlayn - konfrans keçirildi. Konfransda Azərbaycan Respublikasının Milli Məclisinin Deputatı Tamam xanım Cəfərova, Şamaxı RİH-ti başçısının müavini Mehriban xanım Eyubova, ADPU-nin Şamaxı filialının direktoru Tunzalə xanım Yusifova,  Şamaxı Heydər Əliyev Mərkəzinin direktoru Könül xanım Eyvazova, təhsil müssisələrində fəaliyyət göstərən uşaq birliyi rəhbərləri, rayonumuzun bir qrup fəal gənci, könüllüləri, idmançılar, ali və orta təhsil müəssisələrinin tələbələri iştirak  edirdi. Tədbiri giriş sözü ilə açan Şamaxı Rayon Gənclər və İdman idarəsinin rəisi Şahmar Hüseynov ilk öncə tədbirdə iştirak edən qonaqları və iştirakçıları salamladı, sonra isə  Ulu Öndər Heydər Əliyevin anadan olmasının 98-ci ildönümünə həsr olunmuş tədbir haqqında geniş məlumat verdi. Sonra tədbirdə iştirak edən  Millət Vəkili Tamam xanım Cəfərova, Şamaxı RİH-ti başçısının müavini Mehriban xanım Eyyubova, ADPU-nin Şamaxı filialının direktoru Tunzalə xanım Yusifova, Şamaxı Heydər Əliyev Mərkəzinin direktoru Könül xanım Eyvazova mövzu ətrafında çıxış edərək Ulu Öndər Heydər Əliyevin   anlamlı ömür yolundan, dövlətimiz, dövlətçiliyimiz uğrunda gördüyü misilsiz işlərdən geniş danışdılar. Çıxışlar bitdikdən sonra məktəbli şagirdlər Aytən Ədilova və Aslan Adıgözəlov Ulu öndər Heydər  Əliyevin anadan olmasının ildönümünə həsr etdikləri  şeir  parçalarını  iştirakçılara  təqdim  etdilər.