İtkin düşən erməni əsgərin yaxını: “Bu yaxınlarda azərbaycanlılar 15 torba verdilər, 25 nəfərin qalığı da ola bilər”

“İtkin düşmüş hərbçilərin cəsədlərinin axtarış işləri davam edir. Demək olar ki, bütün yerlər nəzərdən keçirilib”.

Ordu.az xəbər verir ki, bunu itkin düşmüş erməni hərbi qulluqçuların axtarış işlərinin iştirakçısı olan Arsen Qukasyan deyib.

Qukasyan cəsədlərin çoxunun Hadrut və Cəbrayıl sektorundan çıxarıldığını deyib.

Onun sözlərinə görə, bu dövrdə cəsədlərin identifikasiyası problemləri yaranıb.

“Oğlunun DNT-sinin üst-üstə düşdüyü valideyn olub. Sonra görüb ki, 43 nömrə “sapoq” geyinən oğlanın ayağında 41 nömrə olub. Həmçinin hal olub ki, hərbçinin meyiti oktyabrın 13-dən İrəvanda olub. DNT cavabı 5 gün əvvəl gəlib. Bu yaxınlarda azərbaycanlılar 15 torba verdilər. Onların arasında 25 nəfərin qalığı da ola bilər”, - deyə o bildirib.

Alpər Mövludoğlu