TƏBİB və TMİB arasında əməkdaşlıq əlaqələri müzakirə olunub.

TƏBİB-də Naxçıvan Muxtar Respublikasının Tibb Müəssisələrinin İdarəetmə Birliyinin (TMİB) nümayəndələri ilə görüş keçirilib.

TƏBİB-in İcraçı direktorunun müavinləri Araz Nəsirov, Anar İsrafilov və TMİB-nin İcraçı direktoru Vüsal Məmmədovun rəhbərliyi ilə keçirilən görüşdə iki qurum arasında əməkdaşlıq istiqamətləri müzakirə olunub.

Görüşdə TƏBİB-in, eləcə də TMİB-in fəaliyyət istiqamətləri, tibb müəssisələrində xidmətin təşkili üzrə həyata keçirilən tədbirlər, icbari tibbi sığortanın tətbiqindən sonra əldə olunan nəticələr barədə müzakirələr aparılıb və gələcək əməkdaşlıq məsələləri müzakirə edilib.