Dağlıq Şirvan Gənclər və İdman İdarəsinin Qobustan rayonu üzrə gənclər və idman sektorunun təşkilatçılığı ilə Şəhid Fədail Nadirov adına İstirahət Parkında “İdman hamı üçün” layihəsi çərçivəsində "Atletika hamı üçün"  idman tədbiri keçirilib.

İdman tədbirinin keçirilməsində məqsəd uşaqlar və yeniyetmələr arasında atletika idman növünə marağın artırılması, sağlam həyat tərzinə çağırış, idmanın inkişafına töhfə vermək və asudə vaxtın səmərəli təşkilidir. 

Tədbirdə qaçış həvəskarlarına atletikanın qaçış növünün texnikası və insan orqanizminə faydası haqqında ətraflı məlumat verilib.

Tədbirə qoşulan uşaq və yeniyetmə iştirakçılar isitmə hərəkətlərini yerinə yetirdikdən sonra 1000 m məsafəyə kross qaçışı proqramında öz qüvvələrini sınamışlar.