"IMSI" İnternat Məzunlarının Sosial İnteqrasoyası GİBnin Azərbaycan Gənclər Fondunun maliyyə dəstəyi ilə həyata keçirdiyi "Müstəqil həyata sağlam inteqrasiya” uşaq evləri və internat məktəblərində təhsil alan və həmin müəssisələrdən məzun olan gənclərin psixo-sosial reabilitasiyası layihəsi uğurla davam edir.

Layihə çərçivəsində ikinci ekskursiya Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi ilə Türkiyə Texnologiya Komandası Fondu (T3) arasında imzalanmış Protokola əsasən yaradılan Bilim Bakı  mərkəzinə təşkil olunub. 

Layihə iştirakçılarına bildirilib ki, Mərkəzin fəaliyyəti ümumtəhsil mərkəzləridə şagirdlərin elmə, innovasiyaya və texnologiyaya marağını və biliklərini artırmağa yönəlib. Mərkəzdə hər biri 20 şagird tutumlu 6 laboratoriya fəaliyyət göstərir. Burada  "Deneyap” proqramı erkən yaşlarda innovasiya və texnologiyalara maraq oyatmaqla gələcəyin mühəndislərinin, elm adamlarının və innovativ sahibkarların yetişməsinə dəstək verir. 

Sonda layihə iştirakçılarının sualları cavablandırılıb.