Şamaxı rayon Heydər Əliyev Mərkəzinin və ADPU-nun Şamaxı filialının  birgə təşkilatçılığı ilə Şamaxı Rayon Mədəniyyət Mərkəzində gənclər arasında Ulu Öndər Heydər Əliyevin anadan olmasının 100 illiyi və 2023-cü ilin Heydər Əliyev ili elan edilməsinə həsr edilən "Heydər Əliyev irsi milli sərvətimizdir" mövzusunda intellektual yarış keçirilib. 

Yarışa başlamazdan öncə Şamaxı rayon Heydər Əliyev Mərkəzinin və ADPU-nun Şamaxı filialı arasında rəhbərlərin iştirakı ilə " Heydər Əliyev irsinin təbliği və yetişməkdə olan gənc nəslə aşılanması" haqqında memorendium imzalanıb.

Şamaxı şəhər 10 saylı orta məktəbin tarix müəllimi Vasif Şıxıyevin  moderatorluğu ilə keçən yarışda  ADPU-nun Şamaxı filialının Şamaxı Regional kollecin tələbələri və Asan xidmət könüllülərindən ibarət 7 komanda qalibiyyət uğrunda mübarizə  aparıb.

Gərgin və maraqlı mübarizə şəraitində keçən yarışda I yerə ADPU-nun Sirius  məktəbin "Zirvə" komandası, II yerə  "Dəmir yumruq" komandası, III yerə " Turan"  komandası layiq görülüb.

Sonda qaliblərə Filial və Şamaxı rayon Heydər Əliyev Mərkəzi  tərəfindən Fəxri fərman  kubok, hədiyyə və diplomlar təqdim edilib. 

Qaliblərimizi təbrik edirik.