Azərbaycan cüdo ailəsinin üzvləri Avropa Cüdo Birliyinin təşkil etdiyi seminarda iştirak edib





Azərbaycan cüdo ailəsinin üzvləri Avropa Cüdo Birliyinin təşkil etdiyi seminarda iştirak edib 
18-19 martda Portuqaliyanın Koimbra şəhərində Avropa Cüdo Birliyinin təşkilatçılığı ilə hakimlər və məşqçilər üçün seminar keçirilib.
Seminarda müxtəlif ölkələrdən 150-dən çox hakim və 50 məşqçi iştirak edib. Azərbaycanı ACF-in Prezidentinin müşaviri Natiq Bağırov, ACF-in hakimlər üzrə meneceri Mətin Rəhimli, “A” kateqoriyalı beynəlxalq dərəcəli hakimlər Nazim Umbayev, Fariz Hüseynov və Arzu Acalova təmsil ediblər.
Seminar zamanı ümumilikdə cüdo idman növünün qaydaları, olimpiya dövrü üçün tətbiq olunan yeni qaydalar, müxtəlif cüdo texnikaları və onların təhlükəsiz tətbiqi iştirakçıların diqqətinə çatdırılıb. Mübahisələrə səbəb olan epizodlar təhlil olunub.
Seminar zamanı iştirakçıları maraqlandıran suallar ekspertlər tərəfindən cavablandırılıb. Müxtəlif hallar əyani formada tatami üzərində də nümayiş olunub.
Seminarın sonunda təlimdə iştirak edən məşqçilərə və hakimlərə sertifikatlar verilib.
Seminar hakimlərin, məşqçilər bilik və bacarıqlarını təkmilləşdirmək məqsədilə təşkil edilib. 

Oxunub: 110
Xəbəri paylaş

Youtube Kanalımız Bizi Youtube Kanalımızdan izləyin: Azgundem.az