"Elm" nəşriyyatında çap olunmuş kitab beynəlxalq müsabiqənin qalibi olub

Müstəqil Dövlətlər Birliyinin İcraiyyə Komitəsinin təşkilatçılığı ilə hər il keçirilən "Kitab sənəti" adlı beynəlxalq kitab müsabiqəsi növbəti dəfə 24-26 iyun 2022-ci il tarixlərində Qırğızıstanın paytaxtı Bişkek şəhərində baş tutub.

Müsabiqədə Azərbaycan, Rusiya, Qazaxıstan, Qırğızıstan, Belarus, Özbəkistan və digər ölkələrdən kitablar müxtəlif nominasiyalar üzrə mükafat üçün təqdim olunub.

"Elm və təhsil" nominasiyası üzrə I yerin qalibi AMEA-nın "Elm" nəşriyyatında çap olunan "Azərbaycan beynəlxalq münasibətlər sistemində 1648-1991. Sənədlər və materiallar" adlı kitabı ilə AMEA-nın A.A.Bakıxanov adına Tarix İnstitutunun baş direktoru, tarix elmləri doktoru, professor Kərim Şükürov olub.