Teymur Padar Aydınoğlu. » Azgundem.az

Teymur Padar Aydınoğlu.

Tarix: 11-03-2021, 15:59

ADAM YIXILDI

Göz üstündə idi dünyada yerim,

Gözünün üstündən adam yıxıldı.

Göz suları axdı, qaşı sürüşdü,

Üzünün üstündən adam yıxıldı.

Dünyada aradım min yüz adamı,

İçində yox idi bir düz adamı,

Nə adam söz tutdu, nə söz adamı,

Sözünün üstündən adam yıxıldı.

Gör neçə ərəni zirvədən yıxdı,

Yalanı ucaldıb, doğrunu sıxdı,

Düz yolla gedəni cığırdan çıxdı,

İzinin üstündən adam yıxıldı.

Yapışdım dünyanın dar yaxasından,

Bircə zərbə aldım küt toxasından,

Əllərim sürüşdü çul-çuxasından,

Dizinin üstündən adam yıxıldı.

10.02.2021 Teymur Padar

Oxunub: 474

Xəbəri paylaş

Youtube Kanalımız Bizi Youtube Kanalımızdan izləyin: Azgundem.az