Nərimanov rayonunda "O səs məktəblilər" adlı  mahnı müsabiqəsinin qala konserti keçirilib

17 iyun 2022-ci il tarixdə Qara Qarayev adına Mərkəzi İncəsənət məktəbində Nərimanov Rayon Gənclər və İdman İdarəsinin təşkilatçılığı ilə məktəblilər arasında "O səs məktəblilər" adlı  mahnı müsabiqəsinin final mərhələsi və qala konserti keçirilib. 

Qala konsertdə Nərimanov Rayon Gənclər və İdman İdarəsinin rəisi Nəcəf Novruzov, “Studentvisions - 2020” mahnı müsabiqəsinin qalibi, “O səs Azərbaycan” mahnı müsabiqəsinin iştirakçısı Minayə Hüseynova, “Studenvisions” mahnı müsabiqəsinin təşkilatçısı Murad Süleymanlı, “Studenvisions - 2020” mahnı müsabiqəsinin finalçısı Nurlan Əliyev, Respublika və Beynəlxalq mahnı müsabiqələrinin laureatı, Prezident təqaüdçüsü Murad Hüseynli, Respublika, Beynəlxalq mahnı müsabiqələrinin və “Kainat” muğam festivalının laureatı Rəvanə Vəliyeva iştirak etmişlər.

Final mərhələsində 4 münsifin komandasında 19 iştirakçı mübarizə aparmışdır. 

Onlardan:

Milli mahnılar nominasiyası üzrə:

Elay Əliyev – “Ankara məktəbi” məktəb-lisey kompleksin şagirdi

Kənan Sultanov – 19 nömrəli tam orta məktəbin şagirdi

Xarici mahnılar nominasiyası üzrə:

Ayan Əbdürəhmanova  - Aylin Muradzadə – Məktəb-Lisey Kompleksin şagirdləri

Ayan Abdullayeva – 212 nömrəli tam orta məktəbin şagirdi

Ümumi bal hesabına görə

Tamerlan Məmmədli – 177 nömrəli tam orta məktəbin şagirdi

Fidan Sultanova – 19 nömrəli tam orta məktəbin şagirdi 

Sonda qaliblər Nərimanov Rayon Gənclər və İdman İdarəsi tərəfindən müvafiq dərəcəli diplom və kuboklar, fərqlənən iştirakçılar fəxri fərmanlar, münsiflər təşəkkürnamələr ilə təltif olunmuşlar.