4 il əvvəl bu satiranı Babam Sabirin ad gününə həsr etmişdim. Sabah böyük Sabirin 159 yaşı tamam olur. Sabir cismən dünyasını dəyişsədə, mə'nən bizim aramızdadır, yaşayır. Ad günün mübarək ay Baba. 

Ay baba fikirlər əlindən azdın

Bu xalqın fikrindən qəbrini qazdın

Düz iki əsr sonranı yazdın

Qurban olum sənə ey dahi şair

Yaxşı ki görmədin bu günü Sabir

Pul üçün vicdanın satanlar çoxdu

Sanmaki millətin gözləri toxdu

Məzarını ziyarət eyləyən yoxdu

Ziyarət olunur ocağ, molla, pir

Yaxşı ki görmədin bu günü Sabir

Özüvü çərrədib qəlbə vurdun ox

Dinimiz bölünüb yetmiş üçdən çox

Daxili cəhənnəm çadra, papağ yox

Kişiylə qadında eynidir zahir

Yaxşı ki görmədin bu günü Sabir 

İndi namus qeyrət qətdənir kişi

Milli musiqimiz xətdənir kişi

Xalqının artisti lütdənir kişi

Pis günə qalıbdır mədəniyət efir

Yaxşı ki görmədin bu günü Sabir 

Kim nə deyər bizdə olan qeyrətə

Məzlumlar, fəqirlər həsrətdir ətə

Məktəbli uşağlar gedir rusyətə

Elmdə, təhsildə vurur tək səbir

Yaxşı ki görmədin bu günü Sabir 

Daima düşündü elin obasın

Vurdu ürəyinə xalqın yarasın

Bu il ad günündə Sabir babasın

Özünə borc bilib vəsf etdi Zamir

Yaxşı ki görmədin bu günü Sabir.