TƏZƏ ŞEİR

(Bəzi  dostlar  mənə bildirirlər  ki, rayon sənin  yerin  deyiı.Get  istedadını Bakıda "xərclə"."Balıq  dəryada  böyüyər"  deyirlər.Dəyərli  dostlarıma  cavab  olaraq, bu qoşmanı  yazdım) 

Elə  bağlıyam

Neyləyə  bilər ki, bu  həsrət  mənə

Eşqin  yandırdığı külə bağlıyam. 

Sözlərim  çoxunun xoşuna  gəlir

Sevgidən  danışan  dilə bağlıyam. 

Yağsa  da  telimə illərin  dəni

Bu  qəm  gətirsə  də  dumanı, çəni

Nə  yağış, nə boran  qorxutmaz  məni

Tufandan  çıxmışam, selə bağlıyam. 

Özgə  bağçasında  bitən  deyiləm, 

Elimə  xəyanət  edən  deyiləm. 

Heydərəm  bu  yurddan  gedən  deyiləm

Mən  elin  oğluyam, elə bağlıyam!.. 

06.06.2024.

Heydər  Ələddinoğlu.