Parataekvondoçularımız Özbəkistanda təlim-məşq toplanışında.

Parataekvondo üzrə Azərbaycan millisi hazırlığını davam etdirir. Baş məşqçi Fərid Tağızadənin rəhbərlik etdiyi komanda növbəti təlim-məşq toplanışını Özbəkistanın paytaxtı Daşkənddə keçir. Martın 25-də başlayan hazırlıq aprelin 9-da başa çatacaq. 

Parataekvondoçularımız Özbəkistan, Qazaxıstan və Monqolustan milliləri ilə birgə məşq edir. Toplanışda sınaq döyüşlərinin keçirilməsi də nəzərdə tutulub.

Qeyd edək ki, yığma Daşkəndə 8 parataekvondoçu və 2 məşqçi ilə yollanıb.