Yaradıcı gənclər, sizə xoş xəbərimiz var!

Gənclər və İdman Nazirliyi ayın müsabiqəsini elan edir. Müsabiqə şərtlərinə əsasən, fərdi şəxslər 3 mövzu üzrə videoçarx hazır edərək müsabiqədə iştirak edə bilər.

Müsabiqə mövzuları:

- "Könüllü bir gün";

- "Sağlam həyat tərzi";

- "Nümunəvi davranış".

28 noyabr, saat 16:00-a qədər hazırlanan videoçarxların linkləri [email protected] email ünvanına göndərilməlidir. İştirakçılar bir  və ya bütün mövzular üzrə videoçarx göndərə bilər.

Müstəqil ekspertlərin dəyərləndirməsindən sonra hər mövzu üzrə 3 ən yaxşı videoçarx seçiləcək. Seçilmiş mövzular nazirliyin rəsmi "Facebook" səhifəsində paylaşılaraq açıq səsverməyə çıxarılacaq.

Səsvermədə balların hesablanması:

- Paylaşıma gələn hər reaksiya ("like", "love" və s.) – 2 bal;

- Paylaşımın dostlarınız tərəfindən təkrar paylaşılması ("repost") – 3 bal;

- Paylaşıma yazılan hər bir rəy  – 1 bal.

Nəticəyə əsasən, hər mövzu üzrə 3 yerin qalibi müəyyənləşəcək və I yer – 500 AZN, II yer – 300 AZN, III yer - 200 AZN qazanacaq.