Ağdamda  cüdo idman növü üzrə uşaq və yeniyetmələr arasında rayon birinciliyi keçirilmişdir.

25 oktyabr 2024-cü il tarixdə Qarabağ Regional Gənclər və İdman İdarəsinin Ağdam rayonu üzrə Gənclər və İdman Sektoru, Ağdam Olimpiya  İdman  Kompleksi  və  Ağdam  UGİŞM-in birgə təşkilatçılığı ilə cüdo idman növü üzrə uşaq və yeniyetmələr  arasında  rayon  birinciliyi  keçirilmişdir. Birinciliyin açılış mərasimində şəhidlərimizin əziz xatirəsi bir dəqiqəlik sükutla yad edilmişdir.

   Qarabağ RGİİ-nin Ağdam sektorunun, Ağdam OİK-in, Ağdam UGİŞM-in  nümayəndələri çıxış edərək idmana  olan  dövlət  qayğısından,  bu  sahədə  əldə  olunmuş  nailiyyətlərdən danışmış, yarış iştirakçılarına uğurlar arzulamışlar. Yarışda müvafiq çəki dərəcələri üzrə  qalib idmançılar Qarabağ  Regional  Gənclər  və  İdman  idarəsi tərəfindən  diplomlarla  və  Ağdam  UGİŞM  tərəfindən  medallarla  təltif olunmuşlar. Tədbirdə 52 idmançı iştirak etmişdir.