Avropa çempionatının ilk günündə 8 cüdoçumuz tatamiyə çıxacaq.

22 iyunda Portuqaliyanın Odivelas şəhərində keçirilən cüdo üzrə yeniyetmələr arasında Avropa çempionatında 6 çəki dərəcəsində 8 cüdoçumuz medallar uğrunda mübarizə aparacaq.

Yarışın ilk günündə oğlanlar arasında -50 kq. çəkidə Məhəmməd Məmişov və Əhməd Rüstəmov, -55 kq. çəkidə Mirxaliq İskəndərov və Fərid Qarayev, -60 kq. çəkidə Məhəmməd Musayev güclərini sınayacaq.

Qızlar arasında isə -40 kq. çəkidə Nigar Məmişova, -44 kq. çəkidə Aytac Yolçuzadə və -48 kq. çəkidə Vüsalə Hacıyeva tatamiyə çıxacaq.

İlkin görüşlər saat 12:30-da başlayacaq. Yarışı canlı olaraq judotv.com saytında izləyə bilərsiniz.

İdmançılarımıza uğurlar arzulayırıq!